أنا حرة بحالي

من ويكي الجندر
اذهب إلى: تصفح، ابحث
(2013)
Circle-icons-radio.svg
Property "صورة" (as page type) with input value "ملف:" contains invalid characters or is incomplete and therefore can cause unexpected results during a query or annotation process.
تأليف ريمون حداد و مي عبادي
تلحين ريمون حداد
مؤدية ميساء ضو
ألبوم غني عن التعريف
اللغة العربية
الدولة فلسطين


أنا حرة بحالي أغنية أطلقتها القوس للتعددية الجنسية والجندرية في المجتمع الفلسطيني ضمن مشروع غني عن التعريف في 2013.


كلمات الأغنية

الشارع فاضي وأنا لحالي

الأرض رطبة والمصباح صار ضاوي

الدنيا عتمة

وشكلها مشتيّه

المشهد زاد عتمة الليالي

الوقت بطيء

بمرقت ثواني

وهيك طارت علبة الدخّان التانية

شكلها مش مارقه الليله ع خير

كيف هيك صار؟

بطلت افهم ع حالي

ما احنا بالارض عايشين

وبدنا هالحب

ومندوّر ومندوّر

مهي بتبلش لمّا تقرر

مش مهم شو تعمل

المهم انك عايش

لمّا عرفتك صار مش غريب

ولمّا عرفتيني طرنا لبعيد

كيف روحت وحلمت فيكي

سألت بحالي ليش عم فكّر فيكي

ما انت متلك وانا متلي متلك

كل اشي بيوضح

شو الي مش مفهوم؟

ما انت مفكّر انك انت فاهم كل اشي,

ما بتخيّل!

حاجه تحكمني!

لو انت زيي

كنت فهمت عليي

بس تخيّل حالك بظروف تانيه

ما انت متلك وانا متلي

متلي متلك

مش ضروري تفهم

انا حرّه بحالي

مبارح وانا ماشيه بالليل

براسي ضجّه

ودوشه ع العالي

شفتك وانت ماشيه حدي

مش ع بعضك

ومخربطه متلي

هيك وانا ماشيه لحالي

ميت سؤال بدور ببالي

خيالي ووهمي ومش لحالي

صور وقصص

وفليم براسي

عن قيس وليلى

ومشروع حياتي

تفاحة نيوتون

ورسومات دالي

كل الدنيا بتمرق براسي

بس محتاره

مش عارفه شو عبالي

لمّا شفتك عرفتك

شفتك

راسي وقّف وفهمت شو مالي

يمكن مش طبيعي

ومش ع بالي

بس بلحظه بفهم

انه مية سؤال

اختفوا من بالي

ما انت متلك وانا متلي

متلي متلك

كل اشي بيوضح شو الي مش مفهوم؟

ما انت مفكّر انك انت فاهم كل اشي,

ما بتخيّل!

حاجه تحكمني!

لو انت زيي

كنت فهمت عليي

بس تخيّل حالك بظروف تانيه

ما انت متلك وانا متلي

متلي متلك

مش ضروري تفهم

انا حرّه بحالي

ما انت مفكّر انك انت فاهم كل اشي,

ما بتخيّل!

شو الي مش مفهوم؟

لو انت زيي

كنت فهمت عليي

كل اشي بيوضح

حاجه تحكمني

ما انت متلك وانا متلي

متلي متلك

بس تخيّل حالك

بظروف تانية

ما انت متلك وانا متلي

متلي متلك

مش ضروري تفهم

انا حرّة بحالي