مين السبب
| |
|---|---|
| تأليف | زاب ثروت |
| تلحين | شريف مصطفى |
| مؤدية | منة حسين و زاب ثروت
|
| اللغة | العربية |
| الدولة | مصر
|
مين السبب؟ أغنية مصرية تم إطلاقها بالتعاون مع هيئة الأمم المتحدة لشؤون المرأة.
طاقم العمل
غناء: منة حسين و زاب ثروت
توزيع موسيقي: ساري هاني
إخراج: كريم شعبان
رسالة الأغنية
تصوّر الأغنية ما تتعرض له الفتيات والنساء من عنف معنوي، لفظي وجسدي بشكل يومي في الشارع والمواصلات العامة وكيفية تعامل المجتمع بسلبية مع الوضع والوقوف بجانب المتحرش.
كلمات الأغنية
كنت فاكر السعادة حاجة متحددة
بنت حلوة شكل هادي ركبت من أبو الفدا
المشكلة إن الصوت ياما عكر الهدوء
والشباب في الزحمة قاموا لما شافوا البنت ذوق
قالوا هيلا بيلا صيدا يلا بينا نبتدي
مهما كان الفعل جارح هي مش هتشتكي
المحترم اللي فيهم شارك بس بالكلام
مع إن كلامه جارح بس زايط و السلام
موقف مهين أصل كل الناس ساكتين
اللي شايف واللي سامع واللي راكب من الحسين
قاعد طول السكة ساكت شارك بس بالعينين
شيء يحزن حاجة تقرف إن كل الخلق عادي
اللي عامل فيها سارح واللي بيسمع للمنادي
كله عادي لو هيبقى حد راضي
كله راضي إن الغدر يبقى عادي
ويترمي حمل العتاب على البنات و على الأهالي
ليه بنرضي و مش بننطق هو دة دايمًا سؤالي
وسط كل بيت حكاية ما اتحكتش من الكسوف
وسط كل بيت حبيبة شايفة بكرة كله خوف
مين السبب لو في يوم الغدر طال كل البيوت
من السبب لما الحبيبة تصرخ إن مفيش حلول
مفيش حلول
كنت فاكر السعادة حاجة متحددة
نفس البنت تاني يوم ركبت من أبو الفدا
خط زحمة أكوام و لحمة أكشن عيد القصة تاني
بابتسامة صفرا بادئ قال يقول كلام اغاني
آه يا حلو ياللي واقف يلّا بينا ولا إيه؟
من البداية البنت ثارت هو ده يبقي اسمه إيه؟
هو إيه مفيش شهامة؟ ابعد عني عايز إيه؟
صوتها يعلى و من بجاحته رد كان الصوت صوتين
قال لها ما جيتش جنبك كله شايف إيدي فين
الأمل عمال بيضعف إن حد يقوم يساعد
واضح كله ساكت على المشاكل كله باعد
قالت عيب على الشناب و على الدقون اللي موجودة
فين النبل يا جدع؟ فين النخوة و الرجولة؟
قام الكل قام و شاخط بصوا طويلة اللسان
زعلوا منها لما سمعوا صوت الحق في الودان
وسط كل بيت حكاية ما اتحكتش من الكسوف
وسط كل بيت حبيبة شايفة بكرة كله خوف
مين السبب لو في يوم الغدر طال كل البيوت
من السبب لما الحبيبة تصرخ إن مفيش حلول
مفيش حلول