هتافات نسوية من الانتفاضة اللبنانية
خلال انتفاضة لبنان 2019 وفي العديد من المظاهرات والاعتصامات والوقفات، كانت هناك هتافات مختلفة ضد النظام الأبوي، تطالب بقاضايا نسوية وبحقوق الأقليات. بعض هذه الهتافات استعمل في مظاهرات مختلفة سابقًا سواء في مسيرة يوم المرأة العالمي في بيروت التي تنظم كل سنة في آذار أو في مسيرة العاملات الأجنبيات التي تنظم في شهر أيار وبعضها أيضًا جاء من حراك طالعات.
هتاف: نسوية
طالعة | نزلت تتظاهر طالعة | ع الاعتصام طالعة | بدها حرية طالعة | تسقط نظام طالعة | نزلت تتظاهر طالعة | ع الاعتصام طالعة | تقطع شوارع طالعة | تسقط جبران
طاق طاق طاقية | هالثورة نسوية طاق طاق طاقية | وما بدنا ذكورية طاق طاق طاقية | والإم بتعطي الجنسية وبدنا قانون موحد | للأحوال الشخصية طاق طاق طاقية | تسقط الأبوية
قمرة يا قمرة | يلا على المظاهرة هني كلن نصابين | وانتي حرة وثائرة يااااا يا قمرة
ما في رجعة ما في رجعة | من هل ثورة ما في رجعة ما في طلعة ما في طلعة | من الشارع ما في طلعة نحن الثورة نحن الثورة | نسوية هي الثورة
نسوية نسوية | مهما كنت القضية نسوية نسوية | مهما كنت الهوية نسوية نسوية | ثورة على الأبوية نسوية نسوية | ثورة على الطائفية نسوية نسوية | ثورة على الرأسمالية نسوية نسوية | ثورة على الفاشية نسوية نسوية | ثورة على العنصرية
نحن صوت الحرية | وثورتنا ثورة نسوية للحرية للحرية | ثورة ثورة نسوية بدنا نغضب بدنا نثور | حتى الذكورية تزول علي صوتك علي صوتك | هالنظام بدو يموتك علي صوتك تينبح | هالنظام حننقلو بح ما منريدو ما منريدو | النظام الأبوي بدنا نبيدو
ضد النظام نسوية ضد الذكورية نسوية ضد الأبوية نسوية ضد التحرش نسوية عالعنف الأسري نسوية ضد التشبيح نسوية ضد التخوين نسوية ضد الفساد نسوية ضد المصارف نسوية
هيلا هيلا هيلا هيلا هو بدنا جنسية يا حلو هيلا هيلا هيلا هيلا هو بدنا حضانة يا حلو علمانية علمانية والمرا بتعطي الجنسية
PARARAPAPA نحن مين؟ PARARAPAPA عاملات PARARAPAPAنسويات PARARAPAPA مهاجرات PARARAPAPA عابرات PARARAPAPA مناضلات وشو بدنا؟ حريات
يسقط يسقط شرفكن، دبحتونا بشرفكن٫ قتلتونا بشرفكن...عرض وشرف شو هالقرف
تحرش عنف عنصرية، كلها صفات الأبوية.. فساد، تمييز طائفية كلها صفات الأبوية.
انتي انتي الاولوية انتي اساس القضية نحنا نحنا الأولوية نحنا اساس القضية
فيكي تضحكي فيكي تبكي انت حرة بالشارع فيكي تسكتي فيكي تحكي انتي حرة بالشارع فيكي تعيطي فيكي تسبي انتي حرة بالشارع فيكي تعصبي فيكي تروقي انتي حرة بالشارع فيكي تشلحي فيكي تلبسي انتي حرة بالشارع لما يقولي ليش عابسة انتي حرة بالشارع لما يقولو مرا مهسترة انتي حرة بالشارع وانتي حرة بالشارع وانتي حرة بالشارع
هتاف : علي الصوت وعلي الصوت
علي الصوت وعلي الصوت على السرقة ببيروت علي الصوت وعلي الصوت ع الضرايب ببيروت علي الصوت وعلي الصوت ع التقشف ببيروت علي الصوت وعلي الصوت على العسكر ببيروت علي الصوت وعلي الصوت ع الطائفية ببيروت علي الصوت وعلي الصوت ع الطبقية ببيروت علي الصوت وعلي الصوت ع العنصرية ببيروت علي الصوت وعلي الصوت ع الذكورية ببيروت
هتاف : بلغي كل مواعيدي
بلغي كل مواعيدي مواعيدي لما الثورة تناديني تناديني بلغي كل مواعيدي مواعيدي لما ثورة نسوية تناديلي عالابوية ما سلّمت وعالطائفية ما سلّمت عالعنصرية ما سلّمت وعالطبقية ما سلّمت النظام لح يسقط وحياتك
هتاف : الأبوية
تحرش، عنف، عنصرية كلها صفات الأبوية صوت المرأة صوت المرأة ثورة والذكورية عورة
هتاف : حق المرأة
حق المرأة بالجنسية | هول مطالب نسوية حق المرأة بالحرية | هول مطالب نسوية حق المرأة بالحضانة | هول مطالب نسوية حق اللاجئة تعيش بكرامة | هول مطالب نسوية حق المرأة بالأمان | هول مطالب نسوية حق المرأة بالأمان | هول مطالب نسوية حقنا نعيش بلا تحرش | هول مطالب نسوية حق المرأة تملك جسما | هول مطالب نسوية حق المرأة تحكي باسما | هول مطالب نسوية حق المرأة بالنشوة | هول مطالب نسوية حق المرأة بالاشغال | هول مطالب نسوية
حق المرأة بالاجهاض | حق المرأة انتفاض منمشي سوا والإيد بالإيد | وعن نسويتنا ما منجيد
عليهم يا حرات | هيدي ثورة البنات عليهم يا نسوية | هيدي ثورة ع الأبوية
بدنا نغضب بدنا نثور | حتى الذكورية تزول علي صوتك علي صوتك | هالنظام بدو يموتك علي صوتك تينبح | هالنظام حننقلو بح
هتاف : يلي بتسأل نحنا مين
يللي بتسأل نحنا مين | عمال ولاجئين يللي بتسأل نحنا مين | لبنانية وسوريين يللي بتسأل نحنا مين | لبنانية وفلسطينيين
ع العدالة مجتمعين قضيتنا بالحياة قضية الحريات علمانية ومساواة وعدالة اجتماعية